نصائح هامة للأبراج 🔥👌

#نصائح هامة للأبراج 🔥👌

#نصائح هامة للحمل

1 – كتير بدي نبهك من انفعالك وحاول تضبط عصبيتك لأن كتار بدن يوقعوك فخليك منتبه بكل وقت .
2 – لاتتعامل بطريقة أنانية مع محيطك خاصة عيلتك والشريك وانتبه يمكن انت عم تكون المخطئ حتى لو بدون قصدك .
3 – كونك عصبي لازم تنتبه فالغلط مابيعني انو كل الناس يلي معك مو مناح حاول تعطي فرصة تانية للي بيستاهل هالشي ..
4 – تعامل بهدوء وابتعد عن المشاكل حتى تريح راسك والرياضة ممكن تخفف ضغط عليك وتساعدك ..
5 – محبة الناس الك شي كتير مهم بحياتك بس حاول قدر الامكان تحافظ عليها وتكون متفاعل معن رغم اذيتن الك .

#نصائح هامة للثور

1 – دايما نحنا منصبر حتى نحصل على نهاية افضل وهاد يلي بدي ياه منك شوية صبر لتكون امورك افضل .
2 – خلي دايما ببالك أنو انت عنيد فحاول تساير ولو كنت عم تغير عادتك مشان تمشي معك الدنيا .
3 – الخصوصية شي مهم عندك بس كمان يلي بحبك بحب يعرف كل شي عنك افتحلو قلبك وتنازل شوي .
4 – تعامل مع الأمور ببساطة ولاتكبر المشاكل انت مخك صعب فحاول تشوف الدنيا ببساطة اكتر .
5 – لاتنزعج من يلي غدرك رغم انو هالشي بأثر عليك كتير بس خسارة الخاين مكسب وحياتك بحاجة لاعادة ترتيب .

#نصائح هامة للجوزاء

1 – عندك كاريزما خاصة وحضور ومافي متلك بس تعود تخفف حكي شوي واسمع غيرك .
2 – لاتخلي القلق يدخل حياتك وبسط الأمور بمخك حتى ما تتعب من التفكير .
3 – صعب تفهم كل الناس والاصعب الناس ماتفهمك حاول تكون متفهم انو مو كل شي متل مابدنا .
4 – الحياة ملعبك وانت قادر تنجح وتصل لمكان كتير مهم بس تعرف تلعبها صح .
5 – لا تتعلق بالأشخاص كتير ولاترفع سقف ثقتك حتى ما تنصدم بالنهاية .

#نصائح هامة للسرطان

1 – حالة سوء الحظ يلي عم تسيطر عليك عم تشعرك بالسلبية فانتبه وحاول تفكر بايجابية .
2 – بالرغم من انو اغلب امورك ماعم تمشي ووضعك عم يتراجع بس اترك الأمل عندك كبير لأن جاية الفرج .
3 – لاتكون عاطفي زيادة وخاصة بهيك وقت لأن كتير بحاجة تكون قوي وحكيم .
4 – تعبت من حالتك وعاطفيا ماعم تزبط معك انت لاتتعلق وحاول تدرس علاقاتك منيح .
5 – الوسواس عندك دايما عم يتعبك والتفكير مالو حل فلازم تطلع من هالحالة حتى ترتاح .

#نصائح هامة للأسد

1 – التعامل مع الناس عم يزعجك يمكن ماحدا عم يفهمك انت حاول تغير حالك لتتأقلم قدر الأمكان لتعيش .
2 – لما نحكي عن الأسد لازم نحترم الشي يلي بتقدمو بس في ناس مابتشوفو فلا تلوم كل الناس .
3 – انت بحاجة للوقت حتى تطلع من حالة التوتر يلي عندك لاتترك الانفعال يسيطر على ردة فعلك .
4 – قد ماكانت المشكلة صعبة بتنحل لما تكون رايق وبتخرب لما تحاول تعصب وتنفعل .
5 – لاتترك الشريك يستفزك وخبي انفعالك عنو ورح تكون علاقتك تمام بس غير هيك لا .

#نصائح هامة للعذراء

1 – يعني أهم شغلة فيك انو ماحدا بيسلم من لسانك مع انو دايما ملاحظتك بمكانها ..
2 – دايما تذكر انو متل ماعندك اصدقاء عندك اكتر اعداء فكون منتبه من هالشي .
3 – من عاداتك انك بتعرف تختار الشي يلي بدك ياه وبتعرف تصل بس حاول ماتتعب حالك .
4 – لما مابيعجبك شي لاتنفعل لان عندك ضغط كبير وممكن يتحول لمشاكل انت بغنى عنها .
5 – لاتخاف من يلي جاية فكر بيومك وتأكد انك رح تنجح وانت قادر تتجوز اي مصاعب .

#نصائح هامة للميزان

1 – انت بدك ترتاح وعم تحاول تحل مشاكلك هالشي رح يصير بس بدك شوية وقت فلا تخاف .
2 – ترددك الكبير بحطك بمحل عدم ثقة حاول تنتبه من هالنقطة مافس مانع من انك تدرس الأمور بس لازم تحسم امورك .
3 – انت بالحب ماعم تعرف تستقر وهالشي عم يتركك مو مرتاح حاول تعطي ثقتك للشريك بعد ما تتأكد من حبو .
4 – تعامل مع الناس بهدوء وبعد عنن قدر الامكان اذا بتحس في مشكلة لأن الناس عم تفهمك غلط .
5 – كون واضح بتعاملك واعطي ثقتك برفقاتك حتى ماتخسرن وحاول تترك معك بس الاصدقاء الموثوقين .

#نصائح هامةللعقرب

1 – انت معروف بشخصيتك المميزة الغامضة وعندك قدرة تجذب العالم بس بنفس الوقت ممكن تنفرن منك فانتبه .
2 – لاتحاول تغير الكون لحالك والحياة بدها شوية مسايرة حتى تمشي وحتى لو كنت انت الصح .
3 – لاتزعل على وحدتك انت حدا غالي بحياة يلي بقدرك ولما مايضل في غالي مابينزعل على رخيص .
4 – لاتتعب حالك بالغيرة والشك وخليك عم تحب حتى الأيام تظهرلك اذا هالحب بيستاهل الحب او لا .
5 – لا تكون حاد بتعاملك واعطي فرصة تانية للناس لأن الحياة هيك بدها حتى تقدر تكمل .

#نصائح هامة للقوس

1 – مافي أحلى من الحياة بنظرة عيونك وتفاؤلك بس هالشي مابقلك تروح عالموت لأنك هيك .
2 – طيبتك بينك وبين حالك بس كتير من الناس بيفهمو غير هيك وممكن فلا تأمن للكل .
3 – خليك بعيد عن الثقة الزايدة وحاول تكون بعيد عن المشاكل حتى ما تتعب أوضاعك .
4 – التعامل مع الناس مشكلة عندك وخاصة بسبب صراحتك الزايدة فحاول اذا مابدك تكذب اسكت حتى ماتعمل مشكلة .
5 – الحب مابيعني انك تحب كل العالم حاول تستقر حتى تحصل على ثقة الشريك بس انتبه ماتنخدع فيه .

#نصائح هامة للجدي

1 – عندك كتير افكار صح ومابتحكي كلمة الا بمكانها بس حاول تنفذ افكارك بسرعة اكتر .
2 – خليك ذكي ولاتصادق رفقات مو موثوقة حتى ما تتعرض للأذى منن ودايما كون منتبه .
3 – انت متعود تشتغل كل شي لحالك بس في ناس كتير قادرة تساعدك فلا تتردد بطلب المساعدة اذا احتجت .
4 – لاتحط حالك بمكان محدد ولاتكون مقيد بقسوتك وعقليتك حاول تطلع وتعيش وتجن .
5 – انت لازم تتفائل قدر الامكان وحتى لو الحب عندك ماعم يكمل افتح صفحة جديدة بقلبك .

#نصائح هامة للدلو

1 – الحياة ماعلمتك تكون طبيعي وعندك افكار حلوة بس مجنونة فحاول تطبقها بمكانها .
2 – تمردك بيعطيك ميزة عن الكل وعندك قدرة انك تحول عالمك لشي حلو وقت بدك وبذكى .
3 – لاتعطي اهمية للناس بحياتك اذا مقتنع بالشي يلي عم تعملو بس بشرط يكون صح حتى ماتتعب .
4 – تعامل مع حياتك بطريقة ايجابية ولاتخاف يلي خسرتو رح يرجعلك بس بدو وقت .
5 – عم تحس بفراغ عاطفي وعدم راحة حاول تحافظ على استقرارك وانتظر حبك .

#نصائح هامة للحوت

1 – حاول تساعد غيرك حتى لو كان بلا مقابل انت فيك هالشي رحمة لغيرك ولاتفكر انو نقمة .
2 – انت ذكي وقادر تجذب الناس بطريقتك الحلوة وكلمتك مشان هيك حاول تستفيد من هالشي بشغلك .
3 – لاتكون ضعيف قدام مشاعرك وحاول تسيطر على حالك وماتفوت بعلاقتك بشكل كبير
4 – افضل اصدقائك يلي بحافظ على صداقتك ومابيأذيك فانتبه من اي شخص بوجهين ويلي بيتعبوك بحياتك .
5 – استفيد من طاقتك وحاول تخلص من الناس يلي عم تتعبك وخاصة اذا علاقة عاطفية .

#الفلكي منيب الشيخ