الأبراج في المنزل 🏠

#الأبراج في المنزل 🏠

#الحمل ملك النشاط_والعصبية
في البيت الحمل دائما الحركة الطاقة كتير الطلبات وبدو الكل يقوم بخدمتو واذا ماصار هالشي بتلاقي الحمل دايما معصب وعم يصرخ وهو مابحب البطء وبيعطي جو حلو للبيت وقت يكون رايق ..

#الثور ملك الذوق_والنوم
الثور مهتم بالنوم كأساس بحياتو المنزلية بالأضافة للطعام ويلي بيمتلك ذوق مميز بالاضافة للاعتناء بالنباتات اذا في او حتى ترتيب البيت وبيعطي جو من المحبة والدفى لعائلتو ..

#الجوزاء ملك الابتكارات_والتواصل
يعني الجوزاء بالبيت بيهتم بقصص الفواتير بترتيب قنوات التلفزيون او حتى تصليح الاشيا الالكترونية يلي بتعطل بالاضافة لروحو المرحة وافكارو المميزة دايما وكمان قدرتو على ابقاء جو من الضحك بين افراد العيلة ..

#السرطان ملك الطبخ_والحنية
السرطان ممكن اكتر شي يهتم بالمطبخ ويكون متل أم للكل ويعتني بأفراد عيلتو ويقدم المساعدة بكل الاوقات وهالشي بسبب الحنية يلي بيتمتع فيها وقدرتو على استيعاب الكل حتى على حساب حالو ..

#الأسد ملك المنظم_والمدير
يعني حتى لو ماكان الأسد أب بهي العيلة بياخد دور الأب وبيعطي أوامر بدون مايحس للكل وهو يلي بجهز لكل شي وبيحمل مسؤولية كل شي حتى لو ماكان بيفهم بالقصة المهم هو الأساس ..

#العذراء ملك النظافة_والاناقة
هو المهتم بامور النظافة وتوزيع الاعمال على افراد الاسرة بالاضافة لملاحظاتو وانتقاداتو يلي ماحدا بيسلم منها واذا احترت بشي وبدك نصيحة ما الك غير العذراء لأن نظرتو مابتخيب ..

#الميزان ملك المصالحات_والفن
يعني لما تصير أي خناقة بالبيت بوجود الميزان الدبلماسي لاتاكلو هم فهو رح يتدخل ويحل الأمور وكمان قدرة الميزان الفنية بتعطيه لمسة فنية بترتيب البيت وبشخصية افراد العيلة ..

#العقرب ملك الحلول_والكاريزما
يعني اذا صار معك اي شي وبدك حدا ذكي يعرف يحلل الأمور وينصحك ما إلك غير العقرب وبتلاقي عندو طلبك كمان هو عندو شخصية مميزة بسيطر فيها على افراد عيلتو وبكون عضو مهم بقيادة البيت ..

#القوس ملك النكتة_والتفاؤل
بيكفي انو نقول ضحكة القوس حتى تحس في جو من الفرح بالبيت وعندو قدرة على اضحاك افراد البيت واعطاء جو حلو ومسلي بعيد عن الملل ودايما فينا ناخد منو تفاؤل وحب ..

#الجدي ملك التنظيم_والادارة
هو يفضل مايجتمع جدي واسد ببيت وحد لأن رح يصير صعب التفاهم على القيادة وتنظيم امور البيت وطبعا الجدي عندو افكار لكل شي وقادر يكون بموقع القيادة ناجح بامتياز بطبعو ..

#الدلو ملك التغيير_والمفاجآت
مع الدلو مافي ملل وهو دايما بيعمل الاشيا الجديدة وبغير بروتين البيت وطبعا هالشي مو كتير رح يعجب الابراج الترابية لكن بيعمل أجواء حلوة ومميزة ومفاجآت وغالبا بكون مستقل لكن بيعرف كيف يستمتع ..

#الحوت ملك النصيحة_والاستشارة
عند الحوت حب غير منتهي لكل افراد عيلتو وهالشي بخليه محبوب من الجميع ودايما بقدم النصيحة وبكون بجانب الجميع وهالشي بساعد باعطاء جو من المحبة للبيت ..

#الفلكي منيب الشيخ

 

عن admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *