اليكم التفاصيل9

وزير يتحدث عن رشوة حصل عليها ……

صاحبة الجلالة – متابعة

كتب الوزير الاسبق نضال الشعار….

أحلى و أشرف وأرقى رشوة لوزير…

في أواخر ال 2011 كانت الأمور قد بدأت تكون سوداوية..
دخلت السكرتيرة لتقول لي أن شخص أسمه “أرتون” يود مقابلتك لأمر خاص…
مين “أرتون” ؟ تساءلت…
قالت يبدو أنه أرمني من حلب وقال بيعرفك” أنا بمون على وزير”..هيك قال..
دخليه..دخليه..
“أرتون” ..شب حليوة سمين شوي..
دكتور حبيبي إنت بمحل صح..كتير اشتئتلك..بتتذكر سلطة لسينات عند وحيد بعزيزية؟؟
طبعا أرتون وبتذكر سيارتي الفولكسفاكن الصالون البرتقنية اللسي حطيت فيها ديوانة منشان نقعد على طريق خان العسل ونكش ونشوي..
ايه والله دكتور انت معلم..بس ماكنت تحب أنا أشرب عرق..
دكتور..بدنا مصنع سيارات…
نعم؟؟ كيف….؟
أنا بعمل سيارة وببيع لكل عالم…
شلون…؟
بدي بلاستيكة تسمحلي أدخل وبدي شاشات الكترونية وبدي أضوية وأنا بعمل سيارة…
أرتون مو شغلة سهلة….
دكتور نحنا أرمن …ولو….
طيب شو رأيك أسمح لك بإدخال سيارات مستعملة وإنت تعمل متلون؟؟
كمان بيصير..هيك أسهل..
أرتون ما كان بيعرف أن القرار كان صادر من أسبوعين…
أرتون بوسني وعزمني على مطعم سبيداك في حلب وهو المفضل عندي..
أرتون مشي بسرعة بعد كم بوسة …
ترك كيس نايلون عالطاولة…
ركدت فتحتو فكرتو قطع تبديل..
طلع فيه كرافاته..لونها أزرق…
ركدنا ورا أرتون ولقيناه عميشرب كوكتيل بساحة المحافطة..
أرتون…نست كيسك عند الوزير..
أرتون..هي مو كيسي ..هي صار لوزير رفيقي منشان يلبس حلو…
وما زلت أحتفظ بكيس أرتون وكرافاتو الجميلة..
ما أحلى السوريين الأرمن..
خسارة إنه جزء كبير منهم راحوا…
رح نرجعك يا أرتون..
رح نرجعك…

“كلنا سورية”
نضال الشعار

Be the first to comment

Leave a Reply

Your email address will not be published.


*